1 В класы уҡыусылары беренсе еңеүҙәрен байрам иттеләр!

1 сентябрь иртәһендә генә лицей тупһаһынан тәүге тапҡыр атлап кергән бәләкәй дуҫтарыбыҙ, 1 В класы уҡыусылары, бөгөн беренсе еңеүҙәрен байрам иттеләр. Улар ошо көнгәсә өйрәнгән белемдәре, ятлаған шиғырҙары, йырлаған йырҙары, бейегән бейеүҙәре менән атай-әсәйҙәрен, уҡытыусыларҙы, ҡунаҡтарҙы ҡыуандырҙылар. Байрамда улар лицейыбыҙ директоры Дилә Урал ҡыҙынан, ата-әсәйҙәрҙән матур-матур теләктәр ҡабул иттеләр.