Йыһанға сәйәхәт

Лицей ихатаһынан көн дә иртәнсәк күңелле йырҙар, шат балалар тауыштары яңғырай, лагерь гөрләй. Бөгөнгө көн "Йыһанға сәйәхәт" тип иғлан ителгәйне. Уҡыусылар ысын космосҡа осмаһалар ҙа, уларға ситтән генә йыһан киңлектәрен гиҙергә мөмкинселек булды. Планетарий эсенә теҙелешеп ултырып планета, йондоҙҙарҙы һәм башҡа күк есемдәрен күҙәттеләр.